يصادف تاريخ اليوم 5-5-2022 الذكرى السابعة عشرة لزواج الممثل اللبناني ميشال حوراني بـالسيدة سالي أبو جودة التي توجهت له برسالة معايدة في صفحته الرسمية بموقع للتواصل الاجتماعي حملت الكثير من الرومانسية والتعبير عن الحب الذي لا ينضب ويتجدد كل يوم وكتبت له:"التقينا ب 24-4-1999 يعني من ٢٣ سنة.
.. وتجوزنا ب 5-5-2005 يعني اليوم صارو ١٧ سنة زواج ١٧ سنة مليانين لحظات حلوة كتيييييير ولحظات صعبة وشغل وتعب وأهم شي حب وحياة حلوة و٣ ولاد غير شكل كل حدا منن قصة بحد ذاتو!".
أضافت أبو جودة :" يمكن كان لازم بهيك مناسبة حط صورة إلنا سوا بس أنا قررت حط صورتك إنت ومش أي صورة صورة من "والتقينا" لأن مش قادرة ما احكي عنو واليوم بالذات! لأنو بالنسبة إلي النجاح اللي حققتوا بهالمسلسل أجمل هدية إلي بعيد زواجنا لأن لما إنت بتنجح كأنو أنا!
تعبت واشتغلت شغل كتير كبير واستحقيت بقوة هالنتيجة وهالحب والتقدير والإحترام من الناس ومن الصحافة! أنا أكتر من فخورة فيك بكتير وخصوصي كل ما شوف الناس شو بتكتبلك والصحافة شو بتكتب عنك".
وختمت :"بعد ١٧ سنة بقلك بحبك كتيييييير كتيييييير وما بشبع إكتبلك وبعدني مغرومة فيك كتيييييير وكل يوم أكتر! بدي قلك شكرا" عا كل شي شكرا" لأنك بي بياخد العقل شكرا" لأنك رفيقي وجوزي وحبيبي ولأنك هالقد بتحبني وبتخاف عليي".
