نشرت الإعلامية المصرية سالي عبد السلام صورة حديثة لها عبر حسابها الخاص، كشفت من خلالها عن إصابتها مجددا بمرض الثعلبة مستهدفاً شعرها، وذلك بعد خمس سنوات فقط من تعافيها.
وظهرت سالي بالصورة من عيادة الطبيب المختص، وعلقت قائلة: "أنا في الابتلاء ده من 2017، آخر مرة جتلي الثعلبة في شعري ومشيت وقالولي مش هتيجي تاني كان من سنتين نفس الشهر ده بالظبط، أبريل 2020، عند الناس بتيجى بالواحدة، أنا حتى في دي ربنا بيختبرني بزيادة، سبحانك يا رب. يبتليك الله ويختبرك في أكتر حاجة بتحبها أو كانت مميزة زمان والناس فاكرة إنها زي ما هي والناس كلها بتمدحها وكانت حلوة زمان ويختبرك!!!، الرضا من عندك يا رب عشان بدأ يروح مني سامحني واعفو عني ومعنديش لا قوة ولا طاقة ولا قادرة أصبر وابدأ من جديد العذاب ده، كان لازم أروح الفطار مع الولاد في الدار ملهمش ذنب وأنا وعدتهم قبل ما اسمع الخبر وابقى مضطرة انبسط وأجبر بخواطر وخاطري مكسور، رجعت أكتر حاجة بتوجع فى الدنيا حقن الكورتيزون في الرأس! 7 حقن في عضم الرأس 10 شكات 70 شكة، والدموع بتقع مني غصب عني والله مع إني عمري ما بعرف أعيط قدام حد! الدكتورة سالي حضنتني، ربي يسعدك، ادعوا لي يعفو عني وماخدش كورتيزون كورسات كاملة تاني واتبهدل تاني وابدأ من أول وجديد تاني والوجع تاني، اللهم إنك عفو كريم تحب العفو فاعف عني، اللهم أجرني في مصيبتي واخلف لي خيرًا منها".
