ردت الإعلامية المصرية مي حلمي على سؤال زميلتها الإعلامية أميرة بدر بطريقة أحرجت الأخيرة.
وكانت أميرة قد سألت مي حول موضوع حقيقة ارتباطها، لتجيب: "هو أنتي مش عارفة إني مرتبطة؟ الإعداد اللي عملك الورق مقالش إني مرتبطة من فترة كبيرة وإزاي عارفة القديم ومش عارفة الجديد؟ ومش هكون مرتبطة ليه يعني دا أنا مرتبطة من بدري أوي".
وأضافت: "أنا مرتبطة من بدري وهو راجل بجد، وكنت محرومة من الطبطبة والحنية وأن حد يقولك أنتي صح، ومن النصيحة الحلوة، ودايما بيقولي خليكي على طبيعتك وهو أقرب إنسان بصدقه وبيشجعني أكون أحسن نفسيًا ومهنيًا، والعلاقة لما الناس بتعرفها بتبوظ بس الارتباط إشهار وعشان كدا قولت للجمهور، بس أنا بعرف الناس حاجات معينة مش كل حاجة وموضوع اليخت كان مجرد هزار".
وعن سؤال أميرة حول خلاف مي مع اللاعب أحمد صالح، أجابت مي: "أنتي ليه عايزة تفتحي الملفات القديمة، أنا طلعت تريند 4 شهور ساعتها والموضوع خلص ليه مصممة تشهريه تاني؟ وليه تخلي الناس تشوف الفيديو تاني وهو إنسان طيب وغلبان وكان عايز يبقى تريند وأنا فهمته إن دا مش كويس، وعيب لما مذيعة بلدي تقول إني أتعصبت عليه والمذيعة من بلد تاني تقول إني مش غلطانة".
وجاء ذلك خلال إستضافة أميرة بدر لـ مي حلمي في برنامجها "ورا الشمس".
