ردت الممثلة اللبنانية جوانا كركي على المخرج شربل خليل بعد أن نشر محادثة قديمة بينهما على حسابه الخاص، وعلّق عليها بالقول: "لي بذمّة الجديد ٤٦٠ الف $ نصف المبلغ اتعاب العاملين معي، أنذرت المحطة، فعرضت الدفع بالليرة بسعر ١٥٠٧ للدولار، حفاظاً مني على حقوقنا، ادعيت على الجديد مطالبا اياها الدفع بالدولار، الدعوى في نهايتها، فتطلّ جوانا كركي لتطلب مني اتعاب ١٦ حلقة: بدك المبلغ على ١٥٠٧ تعي خديه ووقفي كذب"، وقالت جوانا بمقطع فيديو: "هيدا الفيديو لإلك شربل خليل، بس لخلي العالم كلها تعرف أنها ما كذبت إنو أنا بدي منك 17 حلقة، وإنت بتعرف منيح إنو أنا بدي منك 17 حلقة، وكذا مرة طالبتك وآخر شي ستحيت إنو بدي إطلب منك حقي، يوم بقول إنو يكمن إيه بعدو ما قبض من الجديد، علماً وإنو أنا ما اتفقت مع الجديد عالبرنامج أنا اتفقت معك، والتشيكات اللي كنت إقبضن منك طالعين مش بإسم الجديد، وأنا هلق عم بشتغل مع الجديد وبقبض كل شهر بشهرو عالقد وما تأخروا عليي نهار، بالنسبة للموضوع اللي حطيتوا على تويتر، إنو إجي إقبض على الـ 1500، المصاري إلون معك من قبل الثورة، يعني من قبل ما يطلع الدولار كان بعدو على الـ 1500، فما بعرف انت شو عم تعمل عم تتهرب أو كنت عم تتهرب، لإن انت قللت إحترام، نفسيتي منا مرتة بالمرة، وانا قلت على التلفزيون إنو الي حق عندك، هيدا حقي وأنا تحملت كتير كرمال هالبرنامج".
وردّ شربل خليل على فيديو جوانا عبر حسابه الخاص، وكتب متهماً إياها بالكذب: "تستمر المدعوة جوانا كركي بالكذب. ففيما تؤكد محامية الجديد انها لن تدفع الا بالليرة، ١٥٠٠/للدولار، وبعد أن رفضت كركي أن تقبض ١٦ حلقة/٦٠٠$ للحلقة بالليرة (راجعوا محادثتي معها) ها هي تكذب ثانية، مما سيضطرني للإدعاء عليها، خاصة أن كذبها أتى بعد ترشحي. (هذا ردي الأخير)".
