كشف الممثل السوري عدنان أبو الشامات لمتابعيه على مواقع التواصل عن موقف طريف حصل معه أثناء التقائه بأحد المتسولين في الشارع.
وكتب أبو الشامات عبر صفحته: "اليوم بعد ما عطيت متسول كبير بالعمر مصاري، قال لي: أستاذ بتعرف أنو الفن حرام لأنو في اختلاط، وكل شي فيه إختلاط بالدين الإسلامي حرام خطرلي قول له طيب رجعلي المصاري لأنو هي المصاري من الفن، يعني كمان حرام، بس ما طلع من قلبي، تركته ومشيت".
و انقسمت آراء المتابعين بين مؤيد لتصرفه ومعارض وكان من التعليقات، "هدول النماذج يلي بحرموك تعمل منيحة"، "انت كل منشورك مشان تقول انك عطيت الزلمة"، "شوفوني وانا عم اتبرع لمتسول طيب تاخد يلي عطيتو ياهن وتحذف البوست"، "خاطبو الناس على قدر عقولهم تصرف إيجابي استاذ عدنان".
ويستعد عدنان أبو الشامات ليطل على جمهوره خلال شهر رمضان المبارك بمسلسل "جوقة عزيزة" بشخصية إسحاق، والعمل من تأليف الكاتب خلدون قتلان ومن إخراج تامر إسحاق.
