تفاعل الممثل السوري مكسيم خليل مع مقطع فيديو متداول لطفلة أوكرانية وهي منهارة من البكاء بسبب تركها المنزل هي وعائلتها والذهاب للاختباء بالملجأ.
ونشر خليل الفيديو عبر صفحته على مواقع التواصل الاجتماعي وأرفقه بتعليق مؤثر قال فيه: "هاد الشي يلي بيكسر القلب، وين رايحة هي الطفلة، ليش لتتغير كل حياتها، وتتحول من طفلة قاعدة بالدفى بين اهلها وبمدرستها، لحدا وحيدة هايمة لحالها!؟".
وأضاف مستنكراً الأمر بالقول: "شو قاسية الحرب، شو بشعة الحرب، وين ما كانت وكيف ما كانت، شو ذنب الاطفال يعيشو صراع أنظمة او اعراق او أديان خايفة من بعضها، مافي ولا مبرر بيسمح لحدا يدمر بلد و مجتمع و حياة فيها سلام".
وختم منشوره قائلاً: "نحنا كلنا سواء يلي بحط مبرر للقتل والحروب او يلي حاسس بالعجز والضعف كلنا بعاد او قراب رح ندفع التمن.. تمن هاد الجنون". وتعيش أوكرانيا حرب سياسية قاسية مع روسيا، في حين كان المتضرر الوحيد هو الشعب الأوكراني الذي سارع بالنزوح إلى المخيمات والملاجئ.
